ဒေါ်စုက ပါတီခေါင်းဆောင်တွေကို ကူညီရန် လူလတ်ပိုင်း ၁၄ ဦးကို တာဝန်ပေး

အသက်အရွယ်ကြီးရင့်ပြီး ကျန်းမာရေး မကောင်းဖြစ်နေတဲ့ ပါတီထိပ်တန်း ခေါင်း ဆောင် တွေကို ကူညီနိုင်ဖို့ လူလတ်ပိုင်း ခေါင်းဆောင် ၁၄ ဦးကို ဒေါ်အောင်ဆန်း စုကြည်က တာဝန်ပေး တာဟာ ပါတီအတွက် အားတက်ဖွယ် ဖြစ်တယ်လို့ ဗဟို အလှုပ် အမှုဆောင် ဦးဝင်းတင်က ပြောပါတယ်။

ဒေါ်အောင်ဆန်းစုကြည်နဲ့ တွေ့ခွင့် ရခဲ့သူ ပြန်ကြားရေး အဖွဲ့ဝင် ဦးဉာဏ်ဝင်း မနေ့က ပြောဆိုချက် တွေနဲ့ ပတ်သက်ပြီး ထင်မြင်ချက် မေးမြန်းစဉ် ဦးဝင်းတင်က ပြောခဲ့တာပါ။ ကျမ်းမာရေး မကောင်းလို့ ရုံးမတက် နိုင်တာဟာ ဦးအောင်ရွှေ၊ ဦးလွင်၊ ဦးလွန်းတင် ၃ ဦး တင်မကဘဲ သူကိုယ်တိုင်လဲ ရုံးမသွားနိုင်တာ သတင်း ၃ ပတ်ရှိနေပြီလို့ စတင် ပြောကြား ခဲ့ပါတယ်။ “ဇူလိုင် ၁၆ ရက်နေ့မှာ ကျနော်က မျက်စိခွဲမလို့ ဆရာဝန်က နှလုံးရောဂါ ကျနော့်မှာ ရှိတယ်ဆိုတော့ ဆေးခန်း သွားပြရတယ်။ ကျနော့်ရဲ့ သွေးခုန် နှုန်းက ၄၁၊ ၄၂ လောက်ပဲ ရှိတော့ ဓါတ်မှန်တွေ ရိုက်ကြည့်၊ ဆေးစစ် လုပ်နေရတာပေါ့။ လူကတော့ နေထိုင် ကောင်းပေမယ့် အရမ်း မောတယ်။ စကားပြောရင်မော၊ လှုပ်ရှားရင်လည်းမော ဖြစ်နေတယ်။” ဒါကြောင့် အခု လူလတ်ပိုင်း ၁၄ ဦးကို တာဝန်ပေး တယ်ဆိုတာ သူအသေးစိပ် မသိသေးကြောင်း၊ ဒါပေမဲ့ ဒါဟာ ကောင်းတဲ့ အလားလာ ဖြစ်ပြီး တဗိုလ်ကျ တဗိုလ်တက် စနစ်နဲ့ ဆက်သွားမှ ပါတီ အားရှိလာမှာ ဖြစ်တယ်လို့ ပြောပါတယ်။ “ကျနော် ခွင့်ယူ ထားတုန်းမှာ ဒီကိစ္စ ပေါ်လာတာပါ။ ကျနော့် သဘော ကတော့ လွန်ခဲ့တဲ့ ၁၅ နှစ် အနှစ် ၂ဝ လောက်ထဲက လုပ်ဖို့ကောင်းတဲ့ ကိစ္စပါ။ နိုင်ငံရေး ဆိုတာက ရှင်းရှင်းပြောရရင် လူငယ် လူတတ် တွေနဲ့ပဲ လုပ်ဖို့ ကောင်းတာပါ။ ကျန်တဲ့ လူတွေဆိုတာက အကြံပေး ဉာဏ်ပေးပေါ့။ တွေ့ဆုံ ဆွေးနွေး ညှိနှိုင်းခြင်း လောက်ပဲ ကောင်းတယ်လို့ ကျနော်က ယူဆတယ်။ ကျနော်ဆိုရင် ၈၉ ထောင်ထဲဝင်သွားတော့ ဒေါ်စုနဲ့ကျနော်နဲ့ ညှိနှိုင်းတယ်၊ အလုပ်ကော်မတီ ဆိုပြီးတော့ လုပ်ဖို့ လူငယ်၊ လူသစ်တွေ မွေးဖို့ဆိုတဲ့ အနေနဲ့ အကြံပေးခဲ့တယ်။ စီအီးစီ လို့ခေါ်တဲ့ work committee တွေနဲ့ လုပ်ခဲ့တာပါ။ အဲဒီ လမ်းကြောင်းက ပျောက်နေပြီး နောက်ထပ် မပေါ်ဘဲဖြစ်နေတာ ဒီနေ့ကာလ အထိပေ့ါ။ ကျနော် ရောက်လာတဲ့ အခါမှာ စီအီးစီမှာ တင်ပြပါတယ်။ ကျနော်တို့ လူငယ်တွေကို တာဝန်ပေးဖို့ လိုတယ်။ အခုကိစ္စက အားဖြည့်တာပဲ။ ရှင်းရှင်း ပြောရရင် ရှေ့နဲ့နောက် ချိတ်ဆက် မိအောင်ပေါ့။ နိုင်ငံရေးစကားနဲ့ ပြောရင် တဗိုလ်ကျ၊ တဗိုလ်တက် လုပ်ဖို့အတွက်ကို စီမံတာပါပဲ။” ဒါပေမယ့် ဒီလိုနေရာ တိုးချဲ့တာဟာ ပါတီတွင်း ကိစ္စသာဖြစ်ပြီး လက်ရှိ အီးစီတွေကို အနားပေး လူငယ်တွေက အီးစီ တက်လုပ်တဲ့အထိ ဖြစ်မလာ နိုင်သေးဘူး၊ ရွေးကောက်ပွဲ ဥပဒေအရ အဲဒီလို လုပ်လို့ မဖြစ်သေးဘူးလို့ ဦးဝင်းတင်က မှတ်ချက် ပေးခဲ့ပါတယ်။ “အီးစီတွေ အသစ်လဲဖို့ အထိ မရောက် နိုင်ဘူးဗျ။ အီးစီတွေ အသစ်လဲရင် အစိုးရနဲ့ ပြဿနာ တခု ရှိပြန်တယ်။ အစိုးရဆီမှာ မှတ်ပုံတင်တဲ့ ကော်မရှင်က လက်ခံ ထားတဲ့လူပဲ စီအီးစီ စာရင်း ဝင်နိုင်တယ်။ ဒေါ်စုတောင်မှ စာရင်းမပေါက်ဘူး။ ကော်မရှင်က အသိအမှတ် မပြုဘူး။ အဲဒါကြောင့် ဂန်ဘာရီ လာတယ် စီအီးစီနဲ့ တွေ့တယ် ကျနော်တို့ကို မဖိတ်ဘူး။ ဒေါ်စု တယောက်တည်းပဲ လူပုဂ္ဂိုလ်အရ မဖိတ်မဖြစ်လို့၊ လက်မခံ မဖြစ်လို့သာ လုပ်တယ်နဲ့ တူတယ်။ ဘန်ကီမွန်း လာတာကို လည်း ကျနော်တို့ကို မဖိတ်ဘူး။ ကျနော်တို့မှာ လုပ်ရကိုင်ရ အတော်ခက်တယ်။”