နိုင်ငံရေးအကျဉ်းသားများ ရှိနေသ၍ အမျိုးသားပြန်လည်သင့်မြတ်ရေး မဖြစ်ပေါ်နိုင်။ နိုင်ငံရေးအကျဉ်းသားများ ရှိနေသ၍ အမျိုးသားပြန်လည်သင့်မြတ်ရေး မဖြစ်ပေါ်နိုင်။ နိုင်ငံရေးအကျဉ်းသားများ ရှိနေသ၍ အမျိုးသားပြန်လည်သင့်မြတ်ရေး မဖြစ်ပေါ်နိုင်။

Sunday, September 11, 2011

“တောသားက တောသူကို မတရားလှည့်ဖြားသတင်း”


ဒီဘလော့လေးလည်း မအားတာနဲ့ ပြစ်ထားတာ အတော်ကြာနေပြီ အခုတော့ နည်းနည်း အချိန်ရတာနဲ့ ပြောချင်တာလေး ရေးလိုက်ပါဦးမယ်။

၁၉၉၀ ကျော် နွေရာသီတနေ့မှာ သူရိယ ဦးသန်းမောင် ရေးတဲ့ စာအုပ်လေး တအုပ် ဖတ်ခဲ့ဖူးတာကို သွားသတိရမိတယ်။ သိပ်တော့ မမှတ်မိတော့ဘူး ဆောင်းပါးတိုလေးတွေကို စုထတ်ထားတဲ့ စာအုပ်ထင်တာပဲ။ အဲဒီစာအုပ်ထဲက ဆောင်းပါးလေးတပုဒ်က မန္တလေး ရတနာပုံ သတင်းစာမှာ ဖေါ်ပြခဲ့ဖူးတဲ့ “တောသားက တောသူကို မတရားလှည့်ဖြားသတင်း” ဆိုတဲ့ သတင်းကို ပြန်တွေးမိတယ်။ ဒါနဲ့ အွန်လိုင်းပေါ် တွေ့လိုတွေ့ငြား လိုက်ရှာကြည့်တော့ မူရင်း သတင်းပိုင်ရှင်က ရတနာပုံ သတင်းစာဆရာကြီး ဘိုးဝဇီရလို့ အွန်လိုင်း မန္တလေးဂေဇတ်က ဆိုပါတယ်။

သတင်းခေါင်းစဉ်က “တောသားက တောသူကို မတရားလှည့်ဖြားသတင်း” တဲ့---

ငါငယ်ငယ်ခိုက်ကယ်က
မိုက်မိတယ် စောကြွယ်ရယ်--
ဒွေးလေးရဲ့တူ ငသာမြတ်ကယ်နှင့်
သနပ်ကန်တောင်ယာထဲမှာ
ကျွဲကျောင်းရတယ်
အိုလေး အဝေး---

တကျော့တမော့ အကျွန်ကန်တော့ပါရဲ့
အပေါ့အလေးများ သည်တွင်းသွားရင်ဖြင့်
တောဖျားကနတ် ဖမ်းစားတတ်သည်
ငသာမြတ် သူကပြောသောအခါ
တော့ထဲမှာ စောကြွယ်ရယ်
တကယ်လေ ငါယုံမိသေး---

တကျော့တမော့ အကျွန်ကန်တော့ပါရဲ့
အပေါ့ပေါက်ရန် အိမ်ကိုပြန်လျှင်
နင့်ထံတွင်တဲ့ ငါ့ဟာကို
တဆိတ်စာ ပါးလိုက်ပါရစေတဲ့
တကယ်ပါ အေရယ်
ငသာမြတ် နှစ်ခါတွယ်
သက်နှစ်ဆယ် အရွယ်ရှိကာမှ
ငါသိတယ်လေး---။

အပြည့်အစုံသို့ ...

Monday, May 10, 2010

ထိပ်တိုက်ရင်ဆိုင်မှုလမ်းကြောင်းကို ရွေးခဲ့ခြင်းအတွက် စစ်အစိုးရကို မစ္စတာ ကာ့တ်ကမ်းဘဲလ် ဝေဖန်

အမေရိကန် လက်ထောက်နိုင်ငံခြားရေးဝန်ကြီး ကာ့တ် ကမ့်ပ်ဘဲလ်က သူ၏ နှစ်ရက်ကြာ ခရီးစဉ်အပြီး ရန်ကုန်မြို့မှ မထွက်ခွာခင် ထုတ်ပြန်ခဲ့သော ကြေငြာချက်တွင် အဓိကကျသောအတိုက်အခံ ခေါင်းဆောင် များနှင့် ညှိနှိုင်းမှု မရှိပဲ တရားမျှတမှု မရှိသော ရွေးကောက်ပွဲကို ကျင်းပရန် ဦးတည်ခဲ့မှု အတွက် ပြစ်တင် ဝေဖန် သွားခဲ့ပါသည်။
သူက ဆက်လက် ပြောပြရာတွင် ထိုသို့ ပြုလုပ်ခဲ့သည့် အတွက် ၂၀၁၀ ရွေးကောက်ပွဲ အပေါ် နိုင်ငံတကာ၏ ယုံကြည်မှု ရရှိလိမ့်မည် မဟုတ်ဟုလည်း ပြောဆိုဝေဖန် သွားခဲ့ပါသည်။ ထို့အတွက် ရွေးကောက်ပွဲ မတိုင်ခင် အချိန်တွင် ပွင့်လင်းမြင်သာသော ပြုပြင် ပြောင်းလဲမှုများ ပြုလုပ်ရန် စစ်အုပ်စုကို တောင်းဆိုခဲ့ သည်ဟု လည်း သူက ပြောပြခဲ့ပါသည်။
သူ၏ နှစ်ရက်ခရီးစဉ်နှင့် ပတ်သက်၍ ပြောပြရာတွင် သူ့အနေနှင့် စစ်အုပ်စု နိုင်ငံခြားရေးဝန်ကြီးနှင့် သတင်းနှင့်ပြန်ကြားရေး ဝန်ကြီးတို့နှင့် တွေ့ဆုံခွင့်ရခဲ့ပြီး လူ့အခွင့်အရေးများကို ပိုမို လေးစားရန်နှင့် နိုင်ငံရေး အကျဉ်းသားများကို အမြန်ဆုံး ပြန်လွှတ်ပေးရန် စစ်အုပ်စု ခေါင်းဆောင်များကို တောင်းဆို ခဲ့သည်ဟု ပြောပြ ခဲ့ပါသည်။ ၄င်းက ဆက်လက် ပြောပြရာတွင် စစ်အုပ်စုသည် မြန်မာနိုင်ငံ၏ အရည်အချင်း ရှိသော ခေါင်းဆောင်များနှင့် မျိုးချစ်ပုဂ္ဂိုလ်များကို ထောင်သွင်း အကျဉ်းချထားဆဲ ဖြစ်ရာ ပြည်သူလူထု များအတွက် တိုင်းပြည် အနာဂတ် အပြောင်းအလဲများကို ဖေါ်ဆောင်ရန် တွေဝေမှုများ ဖြစ်စေခဲ့သည်ဟု ဆိုပါသည်။
မြန်မာစစ်အုပ်စုသည် ပြည်သူလူထုများကို ထုတ်ဖေါ် ပြောဆိုရဲခြင်း မရှိအောင်နှင့် မိမိတို့ ဒေသများမှ ထွက်ခွာသွားအောင် လုပ်ဆောင်ခြင်းဖြင့် သူတို့၏ လုပ်ဆောင်မှုများကို မေ့ပျောက်သွား လိမ့်မည်ဟု ယုံကြည်နေပုံ ရသည်ဟု လည်းပြောပြခဲ့ပါသည်။
ဒေါ်အောင်ဆန်းစုကြည်နှင့် တွေ့ဆုံဆွေးနွေးမှုနှင့် ပတ်သက်၍ ပြောပြရာတွင် ဒေါ်အောင်ဆန်းစုကြည်က စစ်အုပ်စုသည် သူ၏ မေတ္တာရပ်မှုများကို အလေးဂရု မပြုသည့်အချက်ကို ထောက်ပြပြောဆို သွားခဲ့သည်ဟု ပြောခဲ့ပါသည်။
ထို့အတူ တိုင်းရင်းသား လူမျိုးစုများ၏ လိုလားချက်များကို အလေးဂရု မပြုသည့်အတွက် တင်းမာမှုများ ပိုမို တိုးပွားလာသည့် အခြေအနေ ကိုလည်း ပြန်လည်တင်ပြသွားမည်ဟု ဆိုပါသည်။

ပြည်တွင်းသတင်းထောက် (ရွှေဝါရောင် သတင်းလွှာ)

အပြည့်အစုံသို့ ...

ရွှေဝါရောင်မျိုးဆက်ဒီမိုကရေစီလိုလားသူများရဲ့ Signatuer Campaign စတင်

၅-၅-၂၀၁၀ နေ့က အဘဦးဝင်းတင်နဲ့ Other side အပါအ၀င် အင်အားစု တော်တော်များများ အစည်းအဝေး လုပ်ဖြစ်တယ်။ အဲဒီအစည်းအဝေးမှာ အဘ ဦးဝင်းတင်ပြောတဲ့ လူထုကို အခြေပြုတဲ့ နိုင်ငံရေးရဲ့ ပထမခြေလှမ်းအဖြစ် လက်မှတ်ထိုးတဲ့ လှုပ်ရှားမှု စတင်ဖို့အတွက် ဆွေးနွေးကြပါတယ်။ အဲဒီ Campaignု အဘဦးဝင်းတင်က ဦးဆောင်ပြီးတော့ ရန်ကုန်အပါအ၀င်နယ် ၇ နယ်က အင်အားစုများက ပါဝင် ဆောင်ရွက်ပေးမှာ ဖြစ်ပါတယ်။ လှုပ်ရှားမှု ကာလကို ၇-၅-၂၀၁၀ ကနေစပြီး ၇-၇-၂၀၁၀ (7 ဇူလိုင်နေ့ ) အထိ သုံးလတာ သတ်မှတ် ထားပါတယ်။ လှုပ်ရှားမှု စတင်တဲ့ ၇-၅-၂၀၁၀ နေ့မှာပဲ လက်မှတ်ပေါင်း သုံးရာကျော် ရရှိခဲ့ပါတယ်။ လှုပ်ရှားမှုရဲ့ ရည်ရွယ်ချက်က အချက် ခြောက်ချက်ရှိပါတယ်။
၁။ ဒေါ်အောင်ဆန်းစုကြည်၊ ဦးခွန်ထွန်းဦးနဲ့ မတရားဖမ်းဆီး ခံထားရသော ကျောင်းသားများ အပါအ၀င် နိုင်ငံရေး အကျဉ်းသားများ ပြန်လည် လွှတ်ပေးရန်။
၂။ ၂၀၀၈ ဖွဲ့ စည်းပုံအခြေခံဥပဒေကိုပြန်လည်ပြင်ဆင်ပေးရန်။
၃။ ၂၀၀၈ ရွေးကောက်ပွဲဥပဒေကိုပြန်လည်ပြင်ဆင်ပေးရန။်
၎။ ၁၉၉၀ ရွေးကောက်ပွဲ ရလဒ်ကို အသိအမှတ်ပြုပေးရန်။
၅။ ၁၉၉၀ရွေးကောက်ပွဲ ရလဒ်အရ ပေါ်ထွန်းလာသော ပြည်သူ့ လွှတ်တော်များ အား လုပ်ပိုင်ခွင့်များ အပ်နှင်းရန်။
၆။ NLD ပါတီကို တရားဝင် ရပ်တည်ခွင့် ပေးရန် တို့ ပဲဖြစ်ပါတယ်။
ရရှိလာတဲ့ လက်မှတ်များကို ဘယ်ကိုမှ တင်ပြမှာမဟုတ်ပဲ လှုပ်ရှားမှုကို ဦးဆောင်တဲ့ အဘဦးဝင်းတင် အပါအ၀င် အဖွဲ့ဝင်များက သိမ်းထားမှာ ဖြစ်ပြီးတော့ မကြာခဏ အနေနဲ့ မီဒီယာကနေတဆင့် ဘယ်ရွေ့ ဘယ်မျှ ရရှိကြောင်း ကြေငြာပြီး နအဖ ကို မပြတ်သတိပေးသွားမှာ ဖြစ်ပါတယ်။ ဒီလှုပ်ရှားမှုကို ဦးဆောင်ပါဝင်တဲ့ အဖွဲ့ များကတော့ NLD လူငယ်များ၊ Youth 109 ၊ ၂၀၀၇မျိုးဆက် ကျောင်းသားများ(ရန်ကုန်)နဲ့ အခြား ဒီမိုကရေစီရေး ဆောင်ရွက်နေသူ ပြည်သူအများ ပါဝင်ပါတယ်။ အဖွဲ့နာမည်ကိုတော့ ရွှေဝါရောင်မျိုးဆက် ဒီမိုကရေစီ လိုလားသူများ လို့  ပေးထားပါတယ်။

ကိုဇော်မိုးအောင် မေးလ်မှ ပေးပို့ပါသည်

အပြည့်အစုံသို့ ...

Friday, April 23, 2010

မီတာဘောက်ကအစ နေပြည်တော်ပြာဿဒ် မီးလောင်စေသတည်း

လျပ်စစ်စွမ်းအားဝန်ကြီးဌာနက အခု ဧပြီလကစလို့ မီတာထိန်းသိမ်း စောင့်ရှောက်ခကို ငါးရာကျပ် ကနေ တစ်ထောင်ကျပ် အထိ နှစ်ဆတိုးပြီး ကောက်ခံ တဲ့အပေါ် မပေးဆောင် နိုင်ဘူးလို့ ရန်ကုန်တိုင်း အတွင်းက ဒေသခံ မီတာသုံးစွဲသူ တချို့က မီတာရုံး တာဝန်ရှိသူ တွေကို ဒီကနေ့ တင်ပြပြောဆို လိုက်ကြတာ ဖြစ်ပါတယ်။
သုံးခွမြို့နယ် မီတာရုံးကို သွားရောက် ပြောဆိုခဲ့တဲ့ ကိုယဉ်အေးက ခုလို ပြောပါတယ်။
“သုံးခွမြို့နယ်မှာ ကျနော်တို့ ဒီကနေ့မနက်ပဲ ၉ နာရီ ၄၅ လောက် အီးပီစီရုံးက အုပ်ချုပ်ရေးမှုး ဖြစ်တဲ့ ဗိုလ်ကြီးမြတ်လှိုင်နဲ့ သွားပြီးတွေ့တယ်၊ သွားပြီးတော့ မီတာ ထိန်းသိမ်းခ မပေးနိုင်ဘူး၊ အရင်တုန်းက ထိန်းသိမ်းခဲ့တာ တွေကိုလည်း ကျေးဇူးတင်တယ်၊ အခု ထိန်းသိမ်း ပေးစရာ မလိုဘူး၊ ကျနော်တို့ ဘာသာ ကျနော်တို့ မီတာကို ထိန်းသိမ်းမယ် ပြောတာကို အဲဒါကို သူတို့က လက်မခံဘူး၊ ဘယ်လိုလဲ ဆိုတော့ ကျနော်တို့ သုံးစွဲခပဲ ဆောင်မယ်၊ ထိန်းသိမ်းခကို မဆောင်နိုင်ဘူး လို့ပြောတာ၊ မဆောင်နိုင် လို့လားတဲ့၊ မဆောင်နိုင်လို့ မဟုတ်ဘူး ဆောင်နိုင်တယ်၊ ဒါပေမယ့် ဒီကိစ္စကို ကျနော်တို့ လုံးဝမဆောင်ဘူး၊ မဆောင်ချင်ဘူး၊ ကျနော်တို့ မပေးနိုင်ဘူးလို့ အဲဒီလို ပြတ်ပြတ်သားသား ပြောလိုက်တဲ့ အခါကျတော့၊ အဲဒါဆိုရင်တဲ့ မရပါဘူးတဲ့ ဒီငွေကြေး သုံးစွဲခကိုလည်း လက်မခံနိုင်ဘူးတဲ့၊ အထက်ကို ခင်ဗျားတို့ စာရေးတင်ပါတဲ့၊ ကျနော်တို့ စာရေးတင်စရာ မလိုဘူး၊ ခင်ဗျားတို့ ဆက်ပြီး ရှင်ပြပေးပါလို့၊ ကျနော်တို့က တကယ်လို့ မီတာသုံးစွဲခကို မယူဘူးဆိုရင် သက်သေသက္ကာယနဲ့ ကျနော်တို့ အထောက်အထားနဲ့ လူ ၅ဝ လောက် လက်မှတ် ထိုးပြီးတော့ အထက်ကို တင်ပြမယ်၊ တင်ပြတာကို မလုပ်ဘူးဆိုရင် ကျနော်တို့ လုပ်စရာရှိတာ တိုင်စရာရှိတာ ဆက်တိုင်မယ် ပေါ့နော်၊ နောက်ဆုံးမှ မရဘူး ဆိုရင်တော့ဗျာ ရည်ရွည်ချက် ကတော့ ကျနော်တို့ အားလုံး မီတာအလုံး ၁ဝဝ လောက် မသုံးစွဲပဲနဲ့ အမှောင်ထဲမှာ နေကြမယ်၊ အကုန်လုံး အဲဒီလို မသုံးစွဲပဲနဲ့။”
မီတာခပေးဆောင်တာကို တာဝန်ရှိသူက လက်မခံတာသာ ဖြစ်ကြောင်း၊ မီတာ ထိန်းသိမ်း စောင့်ရှောက်ခ ကျပ်တထောင် ကိုသာ မပေးနိုင်တာ ဖြစ်ကြောင်း အထက်ကို တင်ပြ ပေးပါလို့ ပန်ကြားခဲ့တယ် လို့လည်း သူက ပြောပါတယ်။ မီတာပုံးကို ဖြုတ်မယ်ဆို ရင်တော့ တရားစွဲမှာ ဖြစ်တယ်လို့ သူက ပြောပါတယ်။
ခရမ်းမြို့မှာလည်း မီတာ ထိန်းသိမ်း စောင့်ရှောက်ခ မပေးနိုင်တဲ့အကြောင်း ပြောဆိုခဲ့တယ်လို့ ခရမ်းမြို့ခံကိုမင်းသိမ်းက ပြောပါတယ်။
“ကျနော်တို့က မနေ့က တခါ လုပ်ကြည့် သေးတယ် ဗိုလ်ကြီးလာမှ ရှင်းပါပေါ့၊ ဗိုလ်ကြီး ကလည်း မလာဘူး၊ ဒီနေ့တခါ သွားတယ်၊ ဒီနေ့ ကျနော်တို့ ၁၁ နာရီ လောက်က သွားတာ ၁၁ နာရီ ၁၅ လောက်ကနေ စပြီး စောင့်နေတယ်ဗျာ၊ မီတာ ထိန်းသိမ်းခ မပေးနိုင်ဘူး၊ သုံးစွဲတဲ့ ယူနစ်ဘိုးပဲ ပေးမယ်၊ ဗိုလ်ကြီးလည်း မရှိဘူးတဲ့ ကျန်တဲ့ ဘဏ္ဍာ ရေးမှုးလည်း မရှိဘူးတဲ့ ဘယ်သူမှ မရှိဘူးပေါ့၊ အမှန်က ရှိတယ် သူတို့ ပုန်းနေတာ၊ ကျနော့်ကို ကြောက်လို့ ပုန်းနေတာ၊ အဲဒါ ကျနော်တို့က ချွန်ပြီး မပေးနိုင်ဘူးလို့၊ မြန်မာပြည်မှာ မီတာ အလုံးပေါင်း ၈ သန်းလောက် ရှိတယ်၊ တလုံးကို တစ်ထောင် ဆိုတော့ သန်း ၈ ထောင်ပေါ့၊ သန်း ၈ ထောင်ရဲ့ ကိုယ်စားပါ ကျနော်တို့က လုပ်ရတာ။”
သူတို့တတွေရဲ လုပ်ဆောင်ချက်ဟာ အိန္ဒိယနိုင်ငံက အကြမ်း မဖက်ခေါင်းဆောင် မဟတ္တမ္မဂန္ဓီ ဗြိတိသျ ကိုလိုနီ အစိုးရအပေါ် သုံးစွဲခဲ့တဲ့ ဆားခွန် မပေးရေး ဆန္ဒပြ မှုပုံစံ ဖြစ်ပါတယ်။
ဘာကြောင့် ဒီလိုလုပ်ရတာလဲ ဆိုတဲ့မေးခွန်းနဲ့ အာဏာပိုင်ရဲ့ တရားစွဲ ထောင်ချခံရမှာ မစိုးရိမ် ဘူးလားလို့ မေးမြန်းရာမှာ ကိုယဉ်အေး က ကခုလို ဖြေဆို သွားပါတယ်
“ဘယ်လိုလုပ်မလဲဆိုတော့ အရေးယူချင်ရင်လည်း ယူဗျာ ကျနော်တို့ ဒီမှာ အဝတ်အစား သုံးစုံ ထည့်ထားတယ်၊ အနွေးထည် တစ်ထည် ထည့်ထားတယ်၊ အချိန်မရွေး ကျနော်တို့ကို လာဖမ်း၊ ကျနော်တို့က လိုက်သွားမှာ မထူးတော့ဘူး၊ ကျနော်တို့ ဒီဟာမှ ပြည်သူလူထု အတွက်ရော ကိုယ့်ရဲ့ အခွင့်အရေး အတွက်ရော ကျနော်တို့ ဒီလိုပဲ ရဲရဲဝံ့ဝံ့ ရင်ဆိုင်မှကို ရတော့မှာ မို့လို့၊ ဘာဖြစ်လို့လဲဆို ကျနော်တို့ ငြိမ်ခံ ခဲ့တာလည်း သမိုင်း တောက်လျှောက်က နှစ် ၄ဝ ကျော်သွားပြီ၊ အခု ကျတော်တို့ ဒီအထိ ဆက်မခံနိုင်ဘူး၊ ကျနော်တို့ သားသမီးတွေ မြေးတွေမြစ်တွေ အထိ ကျနော်တို့ မခံစားနိုင်ဘူး၊ အဲဒီတော့ ကျနော်တို့က လူမိုက်ဆန်ဆန် ပြောမဟုတ်ဘူး၊ ကျနောတို့ရဲ့ ဘဝတွေရာ၊ ကျနော်တို့ သားသမီးတွေ ဆွေစဉ်မျိုးဆက်ပါ ခံစားရမှာ၊ ဒါကြောင့်မို့လို့ ကျနော်တို့ကို ဖမ်းရင်လည်း အစဉ်သင့်ပါပဲလို့၊ ကျနော်တို့ အမှန်တရား အတွက်ကိုတော့ ရဲရဲဝံ့ဝံ့ ရင်ဆိုင်မှာပဲ။”

မှီငြမ်း ဒီဗွီဘီရေဒီယို ၂၃ရက် သတင်း

အပြည့်အစုံသို့ ...

နအဖ ခိုင်းတဲ့အတိုင်း ပြည်သူ့စစ် မဖွဲ့နိုင်ဘူးလို့ မွန်ပြည်သစ်ပြော

၂ ရက်ကြာ ကျင်းပခဲ့တဲ့ အရေးပေါ် ဗဟိုကော်မီတီ အစည်းအဝေးအပြီး ဒီနေ့ ညနေ ၄ နာရီက မွန်နယ်စပ်မှာ သတင်းစာရှင်းလင်းပွဲ ပြုလုပ် ပြောဆိုခဲ့တာပါ။
“နိုင်ငံတော်ကချပေးတဲ့ ပြည်သူ့စစ်ပုံစံကို လက်ခံ-မခံ အဖြေပေး ရမည်ဟု ဗိုလ်ချုပ်ကြီး ရဲမြင့်က ဆိုခဲ့ပါသည်၊ ဤကိစ္စနဲ့ ပတ်သက်ပြီး ၃-၈-၂ဝဝ၉ ရက်နေ့ စာအမှတ်-ဝ၅၅၁၄ ဗဟ-ဝ၉ စာပါဖြင့် အမျိုးသား အခွင့်အရေး ပြဿနာကို ပြေလည်အောင် မဖြေရှင်းနိုင်ခင် စပ်ကြား တပ်ဖွဲ့များ အသွင်ပြောင်းရေး လက်ခံရန် များစွာ အခက်အခဲ ရှိပါသည်၊ တပ်ဖွဲဝင်များ မွန်မျိုးချစ် ပြည်သူများ အနေဖြင့် လက်ခံလိုသော ဆန္ဒမရှိပါ။”
မွန်ပြ့ည်သစ်ပါတီ ပြောခွင့်ရသူ နိုင်ခြေးမွန် ရှင်းလင်းသွားတာပါ။ ဒေသခံ ပြည်သူ့စစ် အသွင် မပြောင်းဘူးလို့ ဆုံးဖြတ်ခဲ့ ကြတာကို မနေ့ကဘဲ အရှေ့တောင် တိုင်းမှုးဆီ အကြောင်းကြား လိုက်ပြီ ဖြစ်ပါတယ်။ ဒါပေမဲ့ မွန်ပြည်သစ် ပါတီ ဘက်ကတော့ ငြိမ်းချမ်းရေး ကို မပျက်ပြား လိုဘူးလို့ နိုင်ခြေးမွန်က အခုလို ဆက်ပြော ပါတယ်။
“အပစ်ခတ်ရပ်စဲရေး ရယူစဉ်က သက်ဆိုင်ရာ နိုင်ငံအကြီးအကဲမှ သဘောထား ပေးထားသည့် အတိုင်း နိုင်ငံရေး ကိစ္စများကို နောက်တက်လာမည့် ဒီမိုကရေစီ အစိုးရနှင့် ညှိုနှိုင်း ဆွေးနွေး လိုပါသည်။”
တကယ်လို့ နအဖဘက်က အတင်းအကျပ် လုပ်လာမယ်ဆိုရင် မွန်ပြည်သစ်က ပြန်တိုက်မှာလား ဆိုတဲ့ အမေးကိုတော့ နိုင်ခြေးမွန်က အခုလို ဖြေဆိုပါတယ်။
“တကယ်လို့အစိုးရက အတင်းအကျပ် ဖွဲ့စည်းခိုင်းမယ်ဆိုရင်၊ အကျပ်ကိုင် မယ်ဆိုရင်တော့ ကျနော်တို့က ကျနော်တို့ ကိုယ်ကို ပြန်လည်ပြီး ကာကွယ်တဲ့ အနေနဲ့တော့ ပြန်တိုက်တာတို့ လုပ်သွားရမှာပေါ့၊ လောလောဆယ် အနေအထား အရဆိုရင်တော့ ကျနော်တို့ အနေနဲ့ ကတော့ တချို့ ရုံးတွေကို သွားပြီးတော့ ပြောင်းရွေ့ ထားပါတယ်။”
ရန်ကုန်၊ ပဲခူး၊ မော်လမြိုင်၊ ဖါးအံ မြဝတီ ရေး စတဲ့ မြို့အသီးသီးက မွန်ပြည်သစ် ပါတီရုံးတွေကို ပိတ်ထားလိုက်ပြီး ပြောင်းရွေ့ တာတွေလဲ လုပ်ပြီးပြီလို့ သိရှိရပါတယ်။

ဒီဗွီဘီရေဒီယိုမှ

အပြည့်အစုံသို့ ...

ဗုံးဖောက်ခွဲသူကို ဖမ်းမိထားကြောင်း ပြည်တွင်းထုတ်ဂျာနယ်တွင် ဖော်ပြ


ပြီးခဲ့သည့် ဧပြီ (၁၅) ရက်နေ့က ကန်တော်ကြီး X20 မဏ္ဍပ်စင်အနီး ဗုံး (၃) လုံးပေါက်ကွဲမှု ဖြစ်ပွားရာ ဗုံးဖြင့်ပစ်သူကို အာဏာပိုင်များက ဖမ်းမိထားကြောင်း ယနေ့ထုတ် လျှပ်တစ်ပြက်ဂျာနယ် စာမျက်နှာ (၅) တွင် ဖော်ပြထားသည်ဟု ဖတ်ရှုရသူ ရန်ကုန်မြို့ခံများက ပြောသည်။

ရန်ကုန်မြို့ခံတဦးက “လျှပ်တစ်ပြက်မှာ ဗုံးခွဲသူကို ချက်ချင်း ဖမ်းမိတယ်လို့ ရေးထားတယ်။ ဒါပေမယ့် အစိုးရက ဗုံးခွဲသူ (၂) ယောက်ကို တွေ့ရင် သတင်းပေး၊ ဆုငွေ (၁ဝ) သိန်းပေးမယ် ဆိုပြီးလည်း နေရာတကာမှာ ကြေညာထားတယ်။ နောက် ဗုံးခွဲသူကို မိထားပါလျက်နဲ့ ဘာသတင်း ထုတ်ပြန်တာမှ မလုပ်ဘူး။ ဒါတင်မက သတင်းစာထဲကနေ အတိုက်အခံ အင်အားစုတွေကို ဗုံးခွဲမှုနဲ့ပဲ ဆက်စပ် ပတ်သက်သယောင်ယောင် အမျိုးမျိုး လျှောက်ရေးနေတယ်။ သေချာတာကတော့ အစိုးရဟာ အခုဗုံးခွဲမှုနဲ့ ပတ်သက်ပြီး လုံးဝရိုးသားမှုမရှိဘူး” ဟု ပြောသည်။

အဆိုပါသတင်းတွင် “သင်္ကြန်မှာ ဗုံးပေါက်ခွဲသူသည် လက်ပစ်ဗုံးဖြင့် ပစ်ခဲ့ခြင်းဖြစ်” ဆိုသည့် ခေါင်းစဉ်ဖြင့် ဗုံးပေါက်ခွဲသူသည် လက်ပစ်ဗုံးဖြင့် မဏ္ဍပ်ပေါ်သို့ ပစ်တင်ခဲ့ခြင်းဖြစ်ကြောင်း မျက်မြင်သက်သေတဦးက လျှပ်တစ်ပြက်သို့ ပြောကြားသည်ဟု ဖော်ပြထားသည်။

သင်္ကြန်တွင် ဗုံးဖောက်ခွဲခဲ့သူသည် ပလတ်စတစ်အိတ်ဖြင့် ထုတ်ထားသော လက်ပစ်ဗုံးများကို X20 မဏ္ဍပ်စင်ပေါ်သို့ ပစ်တင်နေစဉ် သပြေကုန်းရပ်ကွက် ဥက္ကဋ္ဌ ဦးထွန်းထွန်းဦးက “ဟိုမှာ မဏ္ဍပ်ပေါ်ကို ဗုံးနဲ့ ပစ်နေပြီ၊ ဝပ်” ဟု ပြောပြီး မကြာခင် ဗုံးပေါက်ကွဲမှုများ ဖြစ်ပွားခဲ့ခြင်းဖြစ်ကြောင်း၊ ၎င်းဗုံးဖြင့် ပစ်သူကို သက်ဆိုင်ရာက ချက်ချင်း ဖမ်းမိခဲ့ကြောင်း မျက်မြင်သက်သေ တဦးက ပြောကြားခဲ့သည်ဟု ဖော်ပြထားသည်။

အခြား ရန်ကုန်မြို့ခံတဦးက “အာလုံးက ထင်မြင်နေသလို စစ်အစိုးရကပဲ လုပ်ကြံဖောက်ခွဲတာ ဖြစ်နိုင်တယ်။ ဒါကြောင့် ဗုံးခွဲသူကို ဖမ်းမိထားပေမယ့် လုံးဝကို ထုတ်ဖော်မကြေညာတာ။ မကြာခင် ဒီ ဖမ်းဆီးရမိထားမှုကို တခြား သူတို့လိုချင်တဲ့ အဖြေတခုခု ဖြစ်အောင် လုပ်ကြံဖန်တီးလာနိုင်တယ်” ဟု ပြောသည်။

ရန်ကုန်မြို့မှ ဝါရင့်သတင်းစာဆရာတဦးက စစ်အစိုးရသည် တရားခံကို ဖမ်းမိပြီဆိုပါက ဖမ်းမိထားကြောင်း၊ အမှုမှန်ကို ဆက်လက်ဖော်ထုတ်နေကြောင်း စသဖြင့် ရိုးရိုးသားသား ကြေညာသင့်ကြောင်း ပြောသည်။

၎င်းက “ခုတော့ လုံးဝ မရိုးသားဘူး။ အရင် (၅) လောင်းပြိုင် လူသတ်မှုအပါအဝင် ဗုံးဖောက်ခွဲမှု များစွာမှာလည်း ခုလိုပဲ တရားခံတွေ ထုတ်ပြတာ မရှိခဲ့ဘူး။ သတင်းစာရှင်းလင်းပွဲတွေမှာ မေးရင်လည်း အမေးမခံဘူး” ဟု ပြောသည်။

ဗုံးခွဲမှုနှင့်ပတ်သက်ပြီး လျှပ်တစ်ပြက်ဂျာနယ်တွင် ယခုကဲ့သို့ ရေးသားချက်၊ စာပေစိစစ်ရေး၏ ခွင့်ပြုချက်၊ စစ်အစိုးရပိုင် သတင်းစာရေဒီယိုများက သတင်း ထိန်ချန်ထားမှု စသည့်တို့အပေါ် ရန်ကုန်မြို့ခံများက အမျိုးမျိုး ဝေဖန်ပြောဆိုနေကြသည်။

ခေတ်ပြိုင်မှ

အပြည့်အစုံသို့ ...

Sunday, April 18, 2010

မြစ်ဆုံရေကာတာ စီမံကိန်းဝန်းကျင် ဗုံးများ ဆက်တိုက်ကွဲ

ကချင်ပြည်နယ်ရှိ မြစ်ဆုံ ရေကာတာ စီမံကိန်း ဆောင်ရွက် နေသည့် အနီး ၀န်းကျင်တွင် ယနေ့ နံနက်က ဗုံးများ ဆက်တိုက် ပေါက်ကွဲမှု ဖြစ်ပွား ခဲ့ကြောင်း သိရသည်။

မြစ်ဆုံရေကာတာ စီမံကိန်းကို တည်ဆောက်နေသည့် အေရှားဝေါလ် ကုမ္ပဏီ ဆက်သွယ်ရေးရုံး အဆောက် အဦးနှင့် တရုတ် လူမျိုး ပညာရှင်များ နေထိုင်သည့် နေရာများတွင် ပေါက်ကွဲခဲ့ခြင်း ဖြစ်သည်ဟု ကချင် သတင်းစဉ်မှ အယ်ဒီတာ ကိုနော်ဒင်း ဧရာဝတီ သို့ ပြောသည်။

တရုတ်ပညာရှင်များ ရေးဆွဲထားသည့် မြစ်ဆုံ ရေကာတာ စီမံကိန်းကို ဝေဟင်မှမြင်တွေ့ရပုံ (ဓာတ်ပုံ - စိန်ဌေး)

“အလုပ်သမားတွေ နေတဲ့ နေရာတော့ မပါဘူး၊ စီမံကိန်း အုပ်ချုပ်တဲ့ ရုံးတွေ၊ ဂိုဒေါင်တွေမှာ ပေါက်တာ” ဟု ၎င်းက ဆိုသည်။

အဆိုပါ ဗုံးပေါက်ကွဲ မှုတွင် သေဆုံးသူ လေးဦး ခန့် ရှိပြီး ထိခိုက် ဒဏ်ရာ ရမှု များလည်း ရှိသည်ဟု ကိုနော်ဒင်း က ပြောသည်။

မြစ်ကြီးနားမြို့ခံ တဦးက “ဗုံး ၇လုံး ပေါက်တယ်၊ ကားနှစ်စီး ပျက် တယ်” ဟု ဆိုသည်။

အဆိုပါ ဗုံးပေါက်ကွဲမှုနှင့် ပတ်သက်၍ မြစ်ကြီးနား အမှတ် ၁ ရဲစခန်းသို့ ဆက်သွယ် မေးမြန်း သော်လည်း လုံခြုံရေး အရ မဖြေဆိုနိုင် ကြောင်း ငြင်းဆိုခဲ့ သည်။

စုစုပေါင်း ဗုံး အရေအတွက်မှာ ၃၉ လုံးခန့် ဖြစ်ကြောင်း၂၇ လုံးမှာ ပေါက်ကွဲခဲ့ပြီး ၁၂လုံးမှာ ပေါက်ကွဲခြင်း မရှိကြောင်း အတည် မပြုနိုင်သော သတင်းများ အရ သိရသည်။

ဗုံးပေါက်ကွဲမှုကြောင့် ပျက်စီးသွားသော အေးရှားဝေါလ် ကုမ္ပဏီ ဆက်သွယ်ရေးရုံး အဆောက်အဦး (ဓာတ်ပုံ - ကချင် သတင်းစဉ်)

မြစ်ဆုံရေကာတာ တည်ဆောက်ရေး စီမံကိန်းကို စစ်အစိုးရ ၏ အမှတ် (၁) လျှပ်စစ် စွမ်းအား ဝန်ကြီးဌာန လက်အောက်ရှိ ရေအား လျှပ်စစ် အကောင်အထည် ဖော်ရေး ဌာနနှင့် တရုတ် အစိုးရပိုင် CPI ကော်ပိုရေးရှင်း တို့မှ ပူးပေါင်း ဆောင်ရွက် နေခြင်းဖြစ်ပြီး စီမံ ကိန်းကို စစ်အစိုးရနှင့် နီးစပ်သည့် စီးပွားရေး လုပ်ငန်းရှင် ဦးထွန်းမြင့်နိုင် ခေါ် စတီဗင်လော ပိုင် အေရှားဝေါလ် ကုမ္ပဏီက အကောင် အထည်ဖော် ဆောင်ရွက်နေခြင်းဖြစ်သည်။

ယခုဗုံးပေါက်ကွဲသည့် အချိန်သည် စစ်အစိုးရ၏ နယ်ခြားစောင့် တပ်အဖြစ် ပြောင်းလဲ ဖွဲ့စည်းရေး အစီအစဉ်ကို ကချင် လွတ်လပ်ရေး အဖွဲ့ (KIO) က လူထု အစည်းအ၀း ခေါ်ယူ၍ ငြင်းဆန် ထားသည့် အချိန်နှင့် တိုက်ဆိုင်နေသည့် အတွက် စစ်အစိုးရက KIO အဖွဲ့ အပေါ်တွင် အပြစ်ရှာခြင်း လည်းဖြစ်နိုင်ကြောင်း ကိုနော်ဒင်းက သုံးသပ်သည်။

ပြီးခဲ့သည့် သင်္ကြန်ရက်အတွင်းကလည်း ရှမ်းပြည်မြောက်ပိုင်း မူဆယ်မြို့ ၁၀၅ မိုင်ရှိ အေးရှားဝေါလ် ဂိတ်တွင်လည်း ဗုံးပေါက်ကွဲမှု ဖြစ်ပွားခဲ့သေးကြောင်း နယ်စပ်သတင်းများ အရသိရသည်။

ဧရာဝတီမှ

အပြည့်အစုံသို့ ...